Skip to content

कमिलाको लर्को


यौटापछि अर्को फेरि अर्कोपछि अर्को
हेर साथी कमिलाको कति लामो लर्को

आँट्यो भने आँधीसमेत रोक्छ कमिलाले
उस्तै परे पहाड पनि बोक्छ कमिलाले
जाँगर पोख्न कत्ति पनि मान्दैन यो झर्को
हिँड्छ, हिँड्छ,हिँडिरहन्छ बनाई लामो लर्को

मान्छेले झैं एक्लाएक्लै भर्दैन यो भुँडी
मित्रताको मर्म बुझी खान्छ बाँडीचुँडी
मान्छेको झैँ बोली चर्को नारा छैन चर्को
कति लामो लर्को आहा कति लामो लर्को ।

रमेशचन्द्र घिमिरे, लमजुङ

Leave a Reply

Your email address will not be published. Required fields are marked *