मैले तिमीलाइ सुझाव दिएं भने
तिम्रो काँधको वन्दुक म उपर चलाइदेउ ।।
मैले तिम्रो कमजोरी देखाइ दिए भने
मलाइ फौजदारीको मुद्धा लगाइदेउ ।।
मैले तिम्रो वारेमा जुवान चलाए भने
मलाइ काल कोठरीमा थन्काइदेउ ।।
म नाथे एउटा सामान्य नागरिक न हु
तिमी विरुद्ध बोल्ने मुख सधैलाइ थुनिदेउ ।।
तिमीसँग शक्ति छ मेरा हड्डि कुड्डि भाँचेर
सधैंका लागि मलाइ नर्क को हकदार वनाइदेउ ।।
हे मेरा देशका राजा महाराजाहरु
सत्य वोल्न खोज्ने मेरा अनगिन्ति जिव्राहरु
भुट्भाट् पारेर तिम्रो जिवनको छाक टारिदेउ ।।