Skip to content

गुरु शिष्य विनोद

स्नेह मिलन योगीको, वार्षिक चाड भन्दछन् ,
ऐले त मुख खोलेरै, मनका भाव भन्दछन् |

गुरु किशोर साठीनै, हुँदा पनि किशोर नै,
उपस्थिति यता छैन, देशभन्दा विदेश नै ।

हुन्छ खान सकेसम्म काँचा फलभए पनि,
नखाउ रस्बरी भन्दै मुन्टै बटारने पनि।

गुरु हाम्रा निकै ज्ञानी फलपाई रमाउने,
कचौरा दिनमा तीन ,मात्रमा नै अघाउने ।

लग पाउ आकाशमा ,शिरले टेक भूमिमा,
सक्छौ जति तिमी गर्न थाके सुत जमीनमा।

मुख उज्वल चम्केको पूर्णेको जून जस्तो नै,
बाग्मती अभियन्ता यी डुल्छन् देश विदेश नै।

नसक्ने हेर्न मीठो त खाएको अरुले गुरु,
पेटभरी नखा भन्ने, भोक लाग्छ कसो गरु ?

पेटै दुख्ने गरी भित्रै अग्निसार गराउने,
बलियो हुन्छ जीऊ त शीला नै पनि पचाउने।

थुनी मुख नबोले है, भन्ने गुरु हरू पनि ,
सिंहासन गरौँ भन्दै, चिच्याउन लगाउने।

दिन्न आराम गर्नै त, छुच्चो मैँ छु सदै भनि,
श्वासै फेर्न नदिएरै, उफार्ने नि सदै भरी।

नचली जीउ कम्मरै, कसरी हो घुमाउने ?
सिंहासन मुखै थुनी, कसरी हो कराउने ?

Leave a Reply

Your email address will not be published. Required fields are marked *