सुकेका फूल किताबका पत्रमा देखेर याद ताजा भो
समयले कुल्चिएर थोत्रिएका पाना देखेर याद ताजा भो
आधा उघारिएको त्यो झ्यालमा आँखा टाँस्नु
एकझल्को पाउन उनको बाटोको पर्खालमा बस्नु
उनी हिँड्ने बाटोमा ओहरदोहर गर्ने त्यो बेफुर्सदिलो पल
जीवनको यात्रामा कतै छुटेको त्यो अमूल्य पल
धमिलो धुलिएको तस्विर पुरानो देखेर याद ताजा भो
समयले कुल्चिएर थोत्रिएका पाना देखेर याद ताजा भो
एकदिन बन्द भएको फेरि नउघारिएको त्यो झ्याल
मलाई कुर्दै एक्लो भएको बाटोको त्यो पुरानो पर्खाल
त्योबाटै नहिँड्ने कसम खाएपछिको त्यो फुर्सदिलो पल
आफ्नै जिन्दगीले आफैसँग गरेको त्यो छल
आँसुका बुट्टाले भरिएको पाना देखेर याद ताजा भो
समयले कुल्चिएर थोत्रिएका पाना देखेर याद ताजा भो।
२०७१/१०/२४
चावहिल, काठमाडौं ।