अरबमा

अहो! तातो हावा, सिरसिर चलेको अरबमा।
भए दुःखी सारा, मनहरु कठै यो अरबमा।।
जलेछन् ती सारा, मन र तन बल्दै सगरमा।
र राेई चिच्याई, हरपल सधै याे अरबमा।।१।।

अहाे! साहूका ती, गरम र कडा शब्द मनमा।
बनी भाला काँडा , हरपल यहाँ घाेच्छ मनमा।।
भिजेका यी नानी, नयनहरूका सागर बनी ।
र झर्छन् धर्तीमा, तपतप कठै यी जल बनी ।।२।।

थिए साना साना, टुकटुक हिडेका घर भरी।
रमेका ती प्यारा, सकल दिलले त्याे वरिपरी।।
हुँदा टाढा बाबा, हरपल अहाे त्याे छटपटी।
त्यहाँ मेराे काया, सकल नहुँदा रून्छन कति ।।३।।

थिए सारा प्यारा, मन र मुटुमा ती जन सबै।
बसेका ती हाँसी, मुसुमुसु परी झै खुसि सधै।।
तिनैका ती न्याना, शुभ बचन छन् भित्र दिलमा।
र लाखौं कष्टैमा, पनि हरघडी रम्छु मनमा।।४।।

यहाँकाे याे गर्मी, चिटचिट बगेकाे छ पसिना।
चटारो कामैकाे, डर छ कसरी पुग्छ सपना।।
घडीकाे काँटा झँ, टिकटिक सधै चल्छ दिन यी।
सहारा अाफ्नाे काे,छ बिरहि भयाे याे मन अति।।५।।

बिरानाे याे माटाे, रगत पसिनाले सब भिज्याे ।
कयाै अस्ताएछन् , सपुतहरू सारा खुसि बित्याे।।
सुनाैला ती अाशा,लतपत भएछन् अरबमा।
र यस्तै हाम्रा छन्, सुख दुख कथा याे अरबमा।।६।।

धन्यवाद।
यादव प्रसाद दुलाल “गाउँले”
इटहरी उपमहानगरपालिका
हाल युएइ