चन्द्रमामा बिउ टुसाउन थालेजस्तो छ
निसास्सिएका खऱ्यासानहरू पनि जुर्मुराउन थालेजस्तो छ
दिनरात आगोमा पिरोलिनेहरू
एकगास रोटीकोलागि परदेशिनेहरू
अब चुप लागेर नबस
अत्याचारको विरुद्ध उठ कम्मर कस
चन्द्रमामा बिउ टुसाउन थालेजस्तो छ
निसास्सिएका खऱ्यासानहरू पनि जुर्मुराउन थालेजस्तो छ
कति सहन्छौ छिः छिः र दूर दुर
कति बस्छौ सधैं भनेर हस् हजुर
अब चुलो र तन्दुरलाई बोल्नु सिकाउनुपर्छ
अन्यायको बिरुद्ध आगो जलाउनु पर्छ
चन्द्रमामा बिउ टुसाउन थालेजस्तो छ
निसास्सिएका खऱ्यासानहरू पनि जुट्न थालेजस्तो छ
ए खऱ्यासानलाई चुसेर खानेहरू हो
शोषणको भरमा जिउनेहरू हो
अब खऱ्यासानहरू जुर्मुराउन थाले
फटाहाको विरुद्धमा जाइलाग्न थाले
चन्द्रमामा बिउ टुसाउन थालेजस्तो छ
निसास्सिएका खऱ्यासानहरू पनि जुर्मुराउन थालेजस्तो छ ।
-देवेन्द्र बस्याल, टोक्यो जापान