देशमा संविधान, आएरै मात्रै के भो ?
लोकतन्त्रको नारा, गाएरै मात्रै के भो ?
निमुखा जनता नै सधैं निमोठिने त हुन् नि
बेकारको गणतन्त्र, चाहेरै मात्र के भो ?
ठुलालाई फितलो, साना सधैं मर्कामा
कागजी कानून्, पाएरै मात्रै के भो ?
देश खोक्रिंदैछ, जनता घोक्रिंदै छ्न्
विकासको नारा, लाएरै मात्रै के भो ?
न धर्म छ न संस्कार छ, न सद्भाव अनि राष्ट्रियता
नेपालआमाको कसम, खाएरै मात्रै के भो ?
देश अनि जनतालाई सधै, दयनीय देख्छु आमा
मलाई मात्रै मनमा देशभक्ति, छाएरै मात्रै के भो ??
– सन्तोषी श्रेष्ठ ।
तनहुँ, नेपाल।
हाल बबरमहल, काठमाडौं।