Skip to content


वैशाख लाग्दा रुखैरुखमा
पालुवाको खानी
जेठ हिँड्छ चर्को घाममा
न्यास्रो मानी मानी

पानी पर्दा ओढ्ने छाता
असारमा चाहिन्छ
साउनको सङ्क्रान्तिमा
तिउरी लाउन पाइन्छ

भदौ लाग्दा दिदी बोलाई
तीजमा दर खाउँला
असोजमा दसैँ आउँछ
टीका लाउन जाउँला

कार्तिकले तिहारलाई
डोर्‍याएर ल्याउँछ
मङ्सिर मैना किसानले
धान काटी भ्याउँछ

स्विटर टोपी खोजी खोजी
लाउनुपर्छ पुसमा
`माघमा झनै ठिहिर्‍याउँछ´
भन्छिन् बहिनी सुष्मा

फागुनमा जाडो घट्छ
गर्मी सुरु हुन्छ
हुरी चल्ने चैतमा पो
मन मेरो रुन्छ ।
२०७५/१२/०२

1 thought on “बाह्र महिना”

Leave a Reply

Your email address will not be published. Required fields are marked *