सभा भएकी ठौर लै कभै चुरोटका ठोटा धेकिनान
निकाइ धेकिनाका पैसा लै कभै खोटा धेकिनान
उस्या कच्छाइ मा भया लै इथ उथ गया ले प्राय भोटा धेकिनान
उस्या दुबलाइ भया लै मान्सै ठौर खसी झा मोटा धेकिनान
फोटामाइ भौत अल्का धेकिना मान्स साँच्ची छोटा धेकिनान
सेठ भणिनाका मान्स लै कभै आरक्षण का कोटा धेकिनान
सज्जन भणिनाका मान्स लै कभै उट्पटाङनका गोटा धेकिनान
केइ काम नाइलागलो भणिना मान्स लै दवाइ का पोटा धेकिनान
हेल्वा निकरी खाइ अगाया निउतेरुन का हात लै घर लैन्नाकि रोटा धेकिनान
पाछाइ आयाका कसै निउतेरुन्का हात पैली आयाइ जानी थाली रे लोटा धेकिनान
नजर घट्टाले ब हो कि चेलिबेटीका हड का कपडा छोटा धेकिनान
गाँजो तन्यावाला रे दारुकी बास लाया वाला सुदोइ लै रेकिनान
निकरी हाँसिरनान भण्या मान्स लै कभै बोर धेकिनान
सज्जन भणी आँखिपर रया मान्स लै कभै चोर धेकिनान
चोर का धित रे लभारका मीत वाला यार धेकिनान
मान्स पछ्याणेइको नाइ थिन फेसबुक माइ प्यार धेकिनान