आज नयाँ गीत यौटा गाउन मन लाग्यो

आज नयाँ गीत यौटा गाउन मन लाग्यो
तिमीसँगै प्रीत फेरि लाउन मन लाग्यो

बिहानीले भाका फेर्यो दिन ढल्न थाल्यो
बालसखा ! हाम्रो गीत गाउन मन लाग्यो

जवानीले घुमिराखे यस्तै दिन आइराखे
सम्झनामा उही बहार ल्याउन मन लाग्यो

कस्तो थियो बालापन ? कस्तो बैंश थियो ?
हुने भए घुमाएर फेरि छाउन मन लाग्यो

कल्पनाको दुनियामा तरङ्गिने सपनाहरू
भन्थें मैले सुन्ने तिमी फेरि पाउन मन लाग्यो

बेला बेला मन भुल्छ तिमी छ्यौ कि उनी यहाँ
नभने है बेसरमी याद उही आउन थाल्यो

— अजित आचार्य,
व्यास -९, कलेस्ती, तनहुँ
हाल चन्द्रागिरी -५, मातातीर्थ, काठमाडौ