महलकी रानी तिमी झुपडीमा अट्ने थिनौ
देखावटी दुई दिन माया जुनी कट्ने थिनौ
सुन जोख्ने तराजुमा जब माया जोख्यौ
प्रीत फुल्ने फुलबारीमा जब घृणा रोप्यौ
जिन्दगीको बिसौनीमा जब भेट्न छाड्यौ
मीठो मीठो सपनीमा जब छल्न थाल्यौ
विश्वास बढ्नुपर्ने ठाउँमा जब शंका बढ्छ
खरानी भई साँचो माया लंकासरी जल्छ,
प्रेमको हत्या किन हुन्न भन मायालु
बिरहको गीत किन नगाऊँ मायालु ?
राम योञ्जन
पोखरे, भोजपुर ।