साँच्चै भन्नूस् त महोदय !
मेरो देश कस्तो हुन्छ ?
मेचीदेखि महाकालीसम्मका
जंगे पिलरहरू
युद्धले थकित सिपाहीजस्तै
घिस्रिंदैघिस्रिंदै नेपाल पसिरहेका बेला
महोदय, तपाईं राजधानीमा
देशको नयाँ नक्सा कोर्दै हुनुहुन्छ
देशको भागबन्डा गर्दै हुनुहुन्छ ।
अलिकति शेर्पा, अलिकति तामाङ
नेवार, मधेसी, थारू, राई, लिम्बू, गुरुङ
मगर, चेपाङ, थकाली
र, क्षेत्री-बाहुन सबैलाई भाग लगाउँदै
कति बचाउनुहुन्छ महोदय मेरो देश ?
संस्कृतिका विशाल आयामहरू
सभ्यतासँगै सौम्य बन्दै गएका बेला
कसले सल्कायो आगो यो देशमा ?
कसले खन्यो जातीयताको खाडल ?
कसले रच्यो धर्मको नाम ?
तराईमा कौरा नाच्दा होस्
वा पहाडमा भोजपुरी नाच्दा
किन कोही अत्तालियो ?
राजधानीले छठ पर्व भित्र्याउँदा
कसलाई घाटा, कसलाई नाफा भयो ?
क्रिसमस होस् या इद
दसैँ होस् वा तोरन्ल
लोछार होस् वा होली
संस्कृतिका भव्य संरचनाहरू
मजबुत बनिरहेका बेला
कसले बनायो आदिवासी र जनजातिको
मन दुख्ने कथा ?
सुन्दर देशको
खराब चित्र बनाउने को छ महोदय पर्दाभित्र ?
आफ्नै स्वार्थको तुफान बनेर
आफ्नै बस्ती खरानी बनाउने सपना नदेख्नु महोदय
बाइसे-चौबीसे राज्यजस्तै
टुक्रा-टुक्रामा विभाजित हुने
मेरो देशको नक्सा कसरी हेर्न सक्छु म ?
कल्पना गर्छु
मेरो देशको नक्सा
राई-लिम्बूले खोजेजस्तो
मधेसी-थारुले रोजेजस्तो
तामाङ-शेर्पाले मागेजस्तो
सबै जातिले चाहेजस्तै
अलिकति टुक्र्याउँदै भागबन्डा लगाउँदै गरेको
कतै चुच्चोजस्तो, कतै बुच्चोजस्तो
कतै नेप्टोजस्तो, कतै थेप्चोजस्तो
साँच्चै भन्नूस् त महोदय !
मेरो देश कस्तो हुन्छ ?
मेरो देश कत्रो हुन्छ ?
साँच्चै मेरो देश
‘देश’जस्तो त बन्छ ?
नेपाल साप्ताहिक ३५२
Desh bhakta ko name ma
Desh bhakta ko name ma kalangka, bahun bad soch, hinhdu atti badi, rajtantra ko bichar bhut, desh lai agragaman bata rok, sathi tapai ko kabita pade deari dukha lagyo. yo desh ko malik ko ho?yo desh ko malik bahun ta hoina bahun haru ta hoina hola. ki bahun haru malik jhai bhayera rai limbu tatha anya jati lai bhag banda lagaune kura gare ko sathi. tapai ko kabita pade, bahun le ta yo desh bata k pani khoje ko chhaina ani k pani mage ko chhaina bhena jasatai kura chha tapai ko. yaso ho bhane hernu hos bahun haru desh ko malik hoina ani bahuna bata rai limbu le angsa linu pardaina. sanghiya ko artha ta tapai lai rambrori nai tha chha hola. tra pani ma feri bhanchhu sanghiya bhane ko sabai lai samna adhikar sabai lai saman abasar sabai tira saman bikash sabai tira saman saman ho. sanghiya bahuna haru ko pewa hoina jo dinada dine nadinada nadine tyasaile sathi agragam ko chintan garnuhos tra pratigaman ko hoina. aunu hos tapai lai saghiya ko bare ma rambro ri tha chaina bhane ma sikauchhu yo bhanda derai kura… sanghiya ko artha ajhai derai hunchha.