त्यो सानो देश नेपाल हाम्रो
सारै नै प्यारो छ
जहाँ नै जाँउ जता नै पुगौ
सम्झना उर्लिन्छ ।

पहाडी पाखो तराईको फाँट
चटक्कै मिलेको
उत्तर हाँस्ने त्यो सेतो हिमाल
अहाँ क्या राम्रो खेलेको ।

सम्झना सधै आउँछ यहाँ
नेपाल देशको
साथी भाईसँग मेला र पर्म
रोधी है धाएको ।

त्यो मीठो पीठो ढिंडो र रोटी
गुन्द्रुक साँधेको
आँगनै राम्रो छेउमा गोठ
गाईवस्तु बाँधेको ।

सम्झना सधै आउँछ यहाँ
नेपाल देशको
लेक र बेसी पहाड र तराई
मुसुक्क हाँसेको ।

“नेपाली” हाम्रो परिचय एउटै
प्रवासको भूमिमा
ईमानले बाँच्छौ ईमानले जीउँछौ
स्वाभिमान साथमा ।

शान्ति हो हाम्रो कामना एउटै
सबैको भलो होस
मरेर आफु बचाउँछौ अरु
अमर भई रहोस ।

सम्झना सधैं आउँछ यहाँ
नेपाल देशको
लेक र बेसी पहाड र तराई
मुसुक्क हाँसेको ।

झरझर गर्दै झर्दछ झरना
पहाडी पाखामा
गाँउदै होलिन ती मेरी प्यारी
प्रेमकै भाषामा

सन्देश बोकी परेवा आउला
शान्तिको नाममा
सन्चै छु आमा तिम्रै छ माया
परदेशको कुनामा

११ जुलाई २००९, शनिवार

khadkabinod02@yahoo.com