जय बुवा केदार तेरी महिमा छ अपार
जो गरन्ला सेवा तेरी उ पुगन्ला पार
जय बुवा केदार तेरी सेवा गर्ला हमु
कि भ्यो इसो कलयुगमा काँ गया ब तमु?
तमरो मन्दिर थ्यो निको मुख मुख सुनिन्छ
तमरी महिमा बारे इसो लै भुनिन्छ
तमरो महल बन्यो तीन रैण्या भुमिमा
तम जसो साक्षात देउता नाइ धेक्या जुनीमा
सब भक्तको भलो गद्दया जै बुवा केदार
कतुरकी बामुनी आया पछा भ्यो बेकार
तमरा मन्दिर झान्या बाटा जुका भौत र्यान
कतुरकी बामुनिलाई तसो नाइ भैछ ज्ञान
बामुनी फटाफट गैछ पूजा लागिगै भुणि
जुकाले काट्यो तैलाई हिट्ट्या बाटा मुणी
मन्दिरमा सब्ले धेक्यो खुट्टामा रगत
छौ क्याइ आए है तुइ भुणि भुण्यो तै बखत
मुइ छौ नाइ हु भुणि बरे बामुनी कराइछ
जुको लाई नाइ धेक्यो हड कथब हराइछ
सब्ले भुण्यो मन्दिर आइ गल्ती क्याइ गरी है
देवता छुयुना है आघा तुइ क्याइ नाइ मरी है?
जुकाले काट्यो हो मुइलाई छौ नाइ हु मुई
जय बुवा ग्वाल्लेक केदार बिचार गरे तुइ
मुइ छौ आयाकी भया तम बाबा याइ बैर्या
याँ को मन्दिर इसोइ रैरौ जुका इसाइ रैर्या
नाइ नाइ सब्ले मुइलाई झुटो आरोपु लगाइग्या
जुका हराइ मन्दिर हराइ तम बाबा गुप्तै भ्या
बामुनिका कुरा सुनी सवालाऐइ लाग्यो हाँसो
सबै घर गया पछा लायो आफुले पासो
बामुनिले मर्या पछा मन्दिर हराइ गैछ
तै पातल जुको सड्या एकै नाइ रैछ
बामुनिले मर्या पछा मन्दिर हराइ गैछ
तै पातल जुको सड्या एकै नाइ रैछ
पैला जत्ते मन्दिर थ्यो उत्ते भ्यो मैदान
मन्दिर हराया पछा मरी सबकी सान
Hello Uttam Jee! nam anusarko
Hello Uttam Jee! nam anusarko kam garya tam le Dhanyabad chha tamlai. samparka mai raya. phone, email sampark mai raya nikoi holo ki kaso? mui lai iso thoda bhout lok sanskriti, loksahitya mai dubulki lagunya mans padyo. Tamaro yo akhyan padibare khushi chhu. Bachi rya pakka bhet holi.
[email protected]
Baitadi Pipalkot
Hal: Kuleswor, Kathmandu
Mobile 9841591389
ok hun6 hajur hun6 bache bare
ok hun6 hajur hun6 bache bare bhet hoijhali.mui ta nikoi chhu hajur nika chhauba? http://veevekbhatt.blogspot.com/
ma hernu la aru