नपर्खे बहिनी तिहारमा मलाई दोबाटो कुरेर
ओइलाई जाला नराखे अब फूल माला उनेर
आउने बाचा तोडेको  भनी नश्राप्नू मलाई
आउदो साल दिल खोली बहिनी हसाउँला  तिमीलाई

        साइँला र माइला लिंगे पिङ लाउन बाबियो बाट्दा हुन्
        लाउरे र गाउँले चौतारी बसी दुख सुख साट्दा हुन्
        सोध्दा हुन् मलाई हर्क र वृष  दौंतरी सबैले
        सम्झना छ रे आघौं आउँछ भन्दिनू तिमीले

देउसी-भैली आउलान नाचगान गर्लान् आँगनी भरेर
नाङ्लामा सजाई दान दिनू बहिनी दीपज्योति बालेर
हाँसेर मनाऊ तिहार हाम्रो घन्काउ मादल
सबैले मिली हटाउनू बहिनी हिंसाको बादल
 
विमल गौतम
मोरंग
हाल साउदी अरेबिया