यसो मलाई हेरिदेऊ न साइँली
सुनको फुली लाइदिउँला नाकैमा
मलाई माया गरिदेऊ न साइँली
घोर्ले छोरा खेलाउँला काखैमा !

हे...हे........ठुला ठुला तिम्रो आँखा
हिड्छौ मास्की मास्की
बाँच्न गारो भो दिल चसकी

मलाई बुढा बनाउन साइँली
सुनकै ढुन्ग्री लाइदिउँला कानैमा
मेरो मर्म बुझिदेऊ साइँली
हाल्छु सिन्दुर देवीको थानैमा !!

हे...हे......ओठमा लाली लाई
हिड्छौ कमर मर्काई
न हिड भो दिल चर्काई

साँचै माया गरिदेऊ न साइँली
नौगेडी ल्याइदिउँला सुनैको
हुन्छ मात्र भन न साइँली
हाल्छु सिन्दुर म आफ्नै खुनैको

राजेश रुम्बा लामा
दोहा कतार .

[email protected]