समय समयमा संसारका बिभिन्न भागमा समाजसेवीको आबरणमा समय काट्ने, भाषण छाट्ने र जीवन गुजारा चलाऊने, बिना लगानी अर्थोपार्जन गर्ने, वाक चतुर्याइ भएका जमातहरूले बिभिन्न बिषयलाई उठान गरी समाजमा प्रभाब पार्ने वा आफ्नो भनाइ राख्ने गर्दछन । त्यो मध्यको एउटा बिषय हो '' अहिंसा '' वा 'पशु हत्या' वा 'हिन्दू समाजमा पशु-पंक्षी 'को नाममा बिरोध गर्नु । '' पशुहत्या '' वा पशु-पंक्षी हो त दुबै हत्या यो बिषयलाई कतिपयले सकारात्मक मान्दछन भने हिन्दू समाज जहाँ पशु-पंक्षी दिने चलन छ त्यो समाजका अगुवाहरूले '' धर्म '' वा परम्परा बिरोधी वा इशाइहरूले हिन्दू धर्म बिरुद्ध चलाएको अभियानको रुपमा लिनेगरेका छन ।

पशुजीव चराचर, समुद्री जीवात्माको हत्या वा बलि जायज नाजायज, पाप धर्म बारेमा लामो अतित देखी बहस चल्दै आए पनि यो क्रम रोकिएको छैन तर मलाई भने यो बिरोध प्रकृतिको वा सृष्टिकर्ताको योजनालाई नबुझ्ने उपबुज्रुकहरूको ''राडो रुवाइ '' मात्र लाग्दछ । पशु-पंक्षीको हत्या वा बलिको बिरोध गर्नुको तुक देख्दिन म । किन भने एक त आज विश्वमा ६ मध्य एक जना (लगभग एक अरब) मानिस खाध्यान्नको अभावसित लडिराखेको छ कुल खाद्य बस्तुको आधा जस्तो हिस्सा ओगटेको माछा मासु नखाने अर्थात नमार्ने नकाट्ने हो भने के होला? हामीले पशुपंक्षी माछा आदिलाई आहारा नबनाउने हो भने एकछिन सोचौ त तिन्ले हाम्रो आहारा साग सब्जी, अन्न पात फलफुल समेत खाएर कस्तो हाहाकार पारिदेलान?

दोस्रो, हिन्दू समाजको जुन "पशु-पंक्षी" प्रथा छ त्यो अन्य मुलुकको भन्दा (कतै गोली हानेर, कतै करेन्टको झट्का दिएर त कतै हलालको नाममा रेटेर) हिन्दू समाज अझ नेपाली समाजको छपक्क छिनाल्ने चलन उत्तमा देखिन्छ । तेस्रो कुरा हिन्दू समाज नेपाल कै कुरा गरौ यहाँ बर्ष् भरिमा बिभिन्न चाड पर्बको नाममा जती पनि पशु-पंक्षीको बलि दिने गरिन्छ कुनै एक इशाइ देशमा एक्कै दिनमा काटिने मारिने पशु-पंछीको संख्या धेरै गुणा बढी हुन्छ ।

तसर्थ पशु-पंछीको हत्या वा पशु-पंक्षीको विश्वको कुनै कुनामा पनि बिरोध हुनु मानिसलाई भ्रमित पारी आफ्नो रोजगारी चलाऊने भनु कि ठगी खाने भाडो बनाउनु हो । त्यति मात्र न भै प्रकृतिको वा यो ब्रमान्ड निर्माण कर्ताले बनाएको नीति नियम बिरुद्ध जानु हो भन्ने मेरो ठम्याइ छ ।

एकैछिन फेरि सोचौ त संसारमा जन्मे जती पशु-पंछी, समुद्री जीवात्मा आदि नमारिने न काटिने हो भने के होला? तिनको संख्याले विश्वको स्वरुप कस्तो होला? संसारमा उम्रेका रुख बिरुवा न सुक्ने न मर्ने र न काटिने अनी बढ्या बढ्यै हुने भए के होला ? समुद्रको पानी बढ्या बढ्यै हुने भए? मानिस्को उचाइ अग्लेको अगलेकै हुने भए? सुर्य न अस्ताए? पानी बर्स्या बर्स्यै भए ?असिना खस्या खस्यै हुने भए? सगरमाथामा हिउ थपिएको थपीयै हुने भए? यी सबको आवश्यकता अनुसार चाजो पाजो मिलाउने ब्रमान्ड सृष्टिकर्ताले बनाएको नीति नियमको बिरोध गर्नुको कुनै औचित्य छ त ?