मझेरी डट कम

मेरी आत्मिय बैनी “बबी”को यस दुःखद घडीमा श्री परम् परमेश्वर भगवान श्री सत्यसाई बाबाले धैर्यधारण गर्ने क्षमता प्रदान गर्नुहुनेछ भन्ने कामना र शोक सन्तप्त परिवारजनहरूमा हार्दिक समवेदना व्यक्त गर्दै र चिर आत्मा प्रति श्रद्धाञ्जली अर्पण गर्दै, आमाकै सम्झनामा यी दुई शब्दहरू पस्कन चहान्छु ।

जन्माएर आमा तिमीले, यो सँसारमा मलाई ।
छाडि गयौ किन आज, मेरो आत्मा जलाई ।।

बालपनमा खुवाएथ्यौ, अमृत सरी दुध,
भोक प्यास टाढा राखी, शरीर समेत गलाई ।

आफ्नो जीवन भन्दा धेरै, मेरै निम्ती तिमी,
सधै भरि सोच्यौ भलो, अनि मात्र भलाई ।

सोच्यौ होला मेरै सँसार, हरा भरा होउन
त्यै छातीमा टाँसीरह्यौ, अपार माया पलाई ।

कस्तो दैव हेर तिमी, सँग टाढा पार्दै,
चुडाएर लगिदियौ, कस्तो लाजै नलाई ।

सँसारकै नियम अरे, जन्म पछि मृत्यु,
विवश पा–यौ यो घडिमा, आमासँग छलाई ।