अनायासै आज मलाई तिम्रो याद आयो
तिता मिठा पलहरूले साह्रै नै सतायो

मृगनयनी चच्छु तिम्रा झिम्का परेलीको
कम्पन त्यो अधरको पृत तरेलीको
औलाहरू यिनै हुन् चुम्ने तिमीलाई
वारीपारि विधाताले पार्यो हामीलाई

सँगै बाच्ने सँगै मर्ने बाचा कता गयो
मन मुटु तिम्रै रहेछ अनि याद आयो

अंगालो त्यो शिशिरको चुम्बन अधरको
मुटु भित्र घरजम गर्ने हेराई नजरको
शिर देखि पाउ सम्म तिम्रो याद आयो
अभावले कि स्वभाव ले हो साह्रैनै सतायो

अनायासै आज मलाई तिम्रो याद आयो
तिता मिठा पलहरूले साह्रैनै सतायो