सँगै जिउने बाचा कसम् गरेपनि छोडिन्
रगतले खाली सिउँदो भरे पनि छोडिन् ॥
उन्कै निम्ति बेघर भएँ उनी बिना एक्लो
पिरतीको महासागर तरे पनि छोडिन् ॥
मायाँ रुपी भावनामा धेरै बगे म त
बर्खे झरी बनी आँशु झरे पनि छोडिन् ॥
आफूसँग दुःख राखी खुशी दिएँ उनलाई
बिश्वास गरी मैले भर परे पनि छोडिन् ॥
थोपा थोपा रगतले मायाँ दर्शाएथेँ
संसार छोडी उन्कै निम्ति मरे पनि छोडिन् ॥
सँगै जिउने बाचा कसम् गरेपनि छोडिन्
रगतले खाली सिउँदो भरे पनि छोडिन् ॥
जगत राम बर्देवा घायल
दोहा कतार