बिना गल्ती जरिवाना तिर्दैछु म कतारमा
किन असल मनबाट गिर्दैछु म कतारमा ॥
हजार ठक्कर खाए पनि हरेस नखाई रत्तिभरि
अन्धकार जिन्दगीको चिर्दैछु म कतारमा ॥
फेरि पनि साहित्यको चौतारीलाई पछ्याउन
नवोदितको नयाँ बिचार भिर्दैछु म कतारमा ॥
कोही भन्छन् पागल कोही असल मान्छे भन्छन्
फाली बन्न सियो बनी छिर्दैछु म कतारमा ॥
कथा कबिता र गजल मेरो रगत भित्र पिन
भेट्टाउन फेरि कोल्टे फिर्दैछु म कतारमा ॥
बिना गल्ती जरिवाना तिर्दैछु म कतारमा
किन असल मनबाट गिर्दैछु म कतारमा ॥
जगत राम बर्देवा घायल
दोहा आएको २ बर्ष १ दिन आज
१९।५।२०१०