आमा मलाई यहाँ मेरो कामको कुरा नसोध है
हप्प-हप्प गर्मी अहो घामको कुरा नसोध है

मन त थियो आमासँग घरै बसी रमाउन
सोचे फेरि मुग्लानमा सजिलो छ कमाउन
पाखुरा नै खियाउनु पर्दो रैछ जहाँ पनि
पैसा फल्ने बोट कहाँ रहेछ र यहाँ पनि

कमाएको छैन आमा दामको कुरा नसोध है
हप्प-हप्प गर्मी अहो घामको कुरा नसोध है

गाँज्यो आमा घरायसी अन्यौलको अवस्थाले
स्वदेशको पारा उस्तै सधैंभरि आले-टाले
लौ न आमा सम्झाइदेऊ देश चलाउनेहरूलाई
रोक्न लगाऊ युवामाथि विदेशीको मोलमोलाइ

भोकै छु कि खाए भनी मामको कुरा नसोध है
हप्प-हप्प गर्मी अहो घामको कुरा नसोध है