सपनीमा मेरो गाउँ धेरै पछि आएँ आज
हराएको खुसी मेरो धेरै पछि पाएँ आज ।

उस्तै छन डाँडा पाखा हुर्किएको ठाउँ प्यारो
चौतारीको चिसो हावा धेरै पछि खाएँ आज ।

कान्छी उस्तै माया उस्तै बोली कति मिठो
उनीसँग चोखोमाया धेरै पछि लाएँ आज ।

बहाना'भो मिलनको खुसी साट्ने सबैसँग
सबैसँगै मिठो गीत धरै पछि गाएँ आज ।

आफूलाई आफैसँग पाए जस्तै लाग्दा यहाँ
रसाएको छानो मनको धेरै पछि छाएँ आज

मदन डुम्रे "बिद्रोही"
स्याङ्जा/ नेपाल

http:www.madandumre.blogspot.com