Skip to content

‘मधुपर्क’ तिम्लाई शुभकामना !

  • by


मधुपर्क तिम्लाई मेरो, मुरीमुरी छ बधाई ।
जारी रहोस् अनवरत्, साहित्यिक तिम्रो लडाइँ ।।

बयालीस वसन्त पार गरी, त्रिचालीस लाग्यो ।
वाङ्मय क्षेत्रको श्रीवृद्धिमा, सबलाई नाघ्यो ।।

अझ लम्क अगाडि, नथाक क्यै गरी ।
जुध्नु छ तिम्ले, निरन्तर अगाडि बढी ।।

लाखौँ पाठक तिम्रा, शुभचिन्तक जो छन् ।
तिम्लाई पढी गर्छन्, एक अर्कासँग मन्थन ।।

धेरै तिम्ले गर्‍यौ, अझ धेरै गर्न बाँकी छ ।
तिम्रो ज्ञानवर्द्धक खुराक, हाकाहाकी छ ।।

तिमी नै हौ अगुवा, साहित्यिक फाँटको ।
नगर्नु है भेदभाव, कुनै जातिवादको ।।

तिम्रा पथप्रदर्शक बढून्, अनगिन्ती ।
निडर, निष्पक्षी बन, गर्छु म बिन्ति ।।

नलागोस् दाग कुनै, घृणा र पक्षपातको ।
सबको मनमा बस्नु, नगर्नु काम विश्वासघातको ।।

समाज बदल्ने अभियान तिम्रो, शिखर चुमोस् ।
क्यै गरी तिम्रा साहस, आँट, कदाचित नगुमोस् ।।

मैदानमा एक्लो खेलाडी, नठान्नु है तिमी ।
अरु पनि छन् पछाडि, यो बात जान्नु है तिमी ।।

तिम्ले बाटो बिर्से, अरु अगाडि बढ्लान् ।
तिम्रो एक लापरवाहीले, तिम्रै बुइ चढ्लान् ।।

तिम्रो शान, मान, विरासत, गुम्ला नि !
तिम्ले चुम्ने ताज, अरु कोही चुम्ला नि !!

लाखौँ तिम्रा सिपाही छन्, कदाचित नडराऊ ।
सबको मन जिती, करोडौंमा आफूलाई पुगाऊ ।।

न थाक, नलेऊ विश्राम, गर हरदम सामना ।
सगरमाथा शिखर चुम, यही छ शुभकामना ।।

– धनगढी, कैलाली

Leave a Reply

Your email address will not be published. Required fields are marked *