मझेरी आकर्षण
फेसबुक एकाउन्टबाट लग-इन
लग-इन (भित्र)
एकसमान देख्छु
nandalal.acharya — Wed, 11/24/2010 - 18:38
कस्तो बगरसरह सुनसान देख्छु
मात्र पत्थर छ खै भगवान् देख्छु।
नाम जपेर खाने भए बदनाम
भ्रष्ट, पदलोलुप मात्र महान् देख्छु।
साह्रै पर्यो विचारको खडेरी यहाँ
ठूलो स्वरकै मात्र यशगान देख्छु।
अरूलाई तनाई आफू चढ्नेलाई
भोलिको नेपालको दरवान देख्छु।
पसिनाको मूल्य खोज्दाखोज्दै म त
माथि होस् या तलको एकसमान देख्छु।
- 1802 reads
कुरा कल्पनामा सीमित भएको
nandalal.acharya — Wed, 11/24/2010 - 18:58कुरा कल्पनामा सीमित भएको बेलामा आएका यी विचारलाई सन्दर्भ नजिक राखेर हेर्नुपर्ला
संविधान खै कहिले बन्ला ?
जीवन सानो बन्छ भने गर्दिनँ
nandalal.acharya — Tue, 11/30/2010 - 21:40जीवन सानो बन्छ भने गर्दिनँ त्यो काम
परिश्रममा विश्वास गर्दा मीठो लाग्यो माम।
सबेर उठी स्वच्छ हावा सधैँ खाने मान्छे
समयभित्र देख्छ उसले निकै ठूलो दाम।
रूपचन्द्र विष्टजस्ता उच्च नेताबाट
पाठ सिकी, काम गरी राखी छाड्छु नाम।
नेपालआमा रुवाउने रावण मन छाडी
बन्ने गर्छु सधैँ म त सबको मनको राम ।
नम्र बोली, उच्च विचार, दृढ इच्छाशक्ति
यत्ति गरी कर्मभित्र खोज्छु जूनघाम।
Post new comment