सुन कथा एउटा गीत

सुन कथा एउटा गीत हार मेरो हो कि जीत
कस्तो साइनो बाँधी ल्यायो भन मेरो सानो मित
माया बसेछ मितेरी साइनोमा

हिमालको पानीभन्दा चोखो तिम्रो माया
वर्षाको बादलभन्दा शीतल तिम्रो छायाँ
त्यस्तै नै होला तिम्रो र मेरो गीत
कस्तो साइनो बाँधी ल्यायो भन मेरो सानो मित

साइनोको लाली आज फैलिएछ आकाशमा
अँध्यारो मन आज छल्किएछ प्रकाशमा
तिमीलाई नै भेटी फेरि जीवन पाएँ
कस्तो साइनो बाँधी ल्यायो भन मेरो सानो मित

स्वर – डेनी डेन्जोङ्पा
संगीत – रनजीत गजमेर
चलचित्र – साइनो