दुई दिन आमा नहुँदा, बुढो बाउ त टोलाउँछन् पो
भेट्नु मात्रै पर्छ अनि, स्वाङ पारेर बोलाउँछन् पो

भन्नु हुन्छ कहिले सानु, कहिले चाहिं नानु रे,
नदुखेको बुढो जीऊलाई, तेल लाएर मोलाउँछन् पो

कस्तो फसाद म छोरालाई, सुने नि नसुने झैं गर्नु पर्ने,
ला'को लुगा सुहाएन भन्दै, खोल्नु अनि खोलाउँछन् पो

साँझै पिच्छे तीन-पानीले, सेक्नु सेक्छन बुढा जीऊ,
सोझी मेरी आमालाई नि, कर गरेर पिलाउँछन् पो

गुन-गुन, गुन-गुन गर्दै बस्छन्, मध्ये रातसम्म,
बिहान कतै जानु पर्दा, ए बा मुख मुख मिलाउँछन् पो

राजेश रुम्बा लामा "अतृप्त"