आऊ तिमी मेरो मुटु दुखेको हेर्ने भए !
छातीभित्र थुप्रै चोट लुकेको हेर्ने भए !

तिमी झैं धनको आड्मा बढ्न नसकी
गरिबीले पाईला मेरा रुकेको हेर्ने भए !

रातदिन दुखसँग लुकामारी खेल्दाखेल्दै
परेलीका आँशु त्यसै सुकेको हेर्ने भए !

तिम्रो जीतमा जानी जानी आँफै हारेर
दुनियाँ छेउ शिर यसै झुकेको हेर्ने भए !

तिमी आकासिँदै छौ तर म भासिँदै छु
बिस्तारै हाम्रो सम्बन्ध छुटेको हेर्ने भए !

तिमी जुन आकाशको म धुलो भुईको
तिम्लाई छुने सपना चुकेको हेर्ने भए !