Skip to content

नदेखाऊ न चिसा नयन


नदेखाऊ न चिसा नयन लुकाएर बसेकी छु
साथी आफैं दर्पण दृष्टि झुकाएर बसेकी छु ।

हाँसोभित्र पाएँ सधैं बिरह छाल त्यसैले त
सयौं खुशी माहौलहरू चुकाएर बसेकी छु ।

फक्रेकैथेँ देवतालाई चढाउँछु भन्दै टिप्यौ
कुल्च्यौ फेरि पत्र पत्र फुकाएर बसेकी छु ।

गोही आँशु भन्यौ फेरि बेदनाको ताल बन्दा
मनको बह गहभरि सुकाएर बसेकी छु ।

सुखसयल भन्ने कुरा एकादेशको कथा भा’छ
पीडा मार्न अर्को पीडा ढुकाएर बसेकी छु

उषा न्यौपाने
झापा, नेपाल

1 thought on “नदेखाऊ न चिसा नयन”

Leave a Reply

Your email address will not be published. Required fields are marked *