निगल्दो हिउँदमा
रुखमा बचेखुचेका
पहेँलिइसकेका पातहरू
हरियो छँदाका कुरा सम्झेर
दङ्ग पर्छन्
भाउ पार्दै, सान गर्दै
आपसमा खुब गफ छाँट्छन्
भित्रबाट नयाँ मुनाले ठेलेर हो
वा बाहिरबाट हिउँदे हावाले पेलेर हो
वा
चम्किइचम्किइँ धेरै गफ छाँटेकाले हो
बूढा पातहरू एकएक गर्दै र्झछन्
भर्खरै पलाउँदै गरेका पिपिराहरू
माथिबाट रमाइलो मानेर तिनको अवसान हेर्छन्
निर्भय
आघौँसाल पनि
नयाँ पातहरू यस्तै निर्भय देखिनेछन् ।
मधुपर्क २०६८ साउन