छातीभित्र बैगुनीलाई लुकाउन जानिएन
फूलमाल चढाएर भुकाउन जानिएन
बैगुनीसँग उकाली ओरालीमा हिँडे पनि
उसैलाई यात्रबाट चुकाउन जानिएन
छातीभित्र बैगुनीलाई लुकाउन जानिएन
कसैसँग मनमुटु साटी नाता गाँसे पनि
उसैलाई मनबाट फुकाउन जानिएन
छातीभित्र बैगुनीलाई लुकाउन जानिएन
नशाको साथमा भुली रमाए पनि
आँखाबाट आँशुको भेल सुकाउन जानिएन
छातीभित्र बैगुनीलाई लुकाउन जानिएन
घात हुन्छ भनी जान्दा जान्दै पनि
अनयासै उसैलाई ढुकाउन जानिएन
छातीभित्र बैगुनीलाई लुकाउन जानिएन
देवदाष हमाल सन्तोष