(१) जिन्दगी
जहर निले जस्तो यो साला जिन्दगी
सियोले खिले जस्तो यो साला जिन्दगी
चाहेर न अघि बढ्छ, न पछि सर्छ
कर्दले छिले जस्तो यो साला जिन्दगी।

(२) मख्ख
आफ्नो सम्झी बिदेशीलाई चाटेर मख्ख परे
आफन्तलाई जहाजमा राखेर मख्ख परे
ईतिहासले खोल्नेछ यिनको पोल तर
जन चाहनाको बिरुवा भाचेर मख्ख परे।

(३) लालच
मान्छेले न कैले अरुलाई मानेको छ
मान्छेले त हारलाई जीत ठानेको छ
यी सबै मिथ्या जानेर पनि सधैं
मान्छेलाई आफ्नै लालचले बाधेको छ।

(४) बाचन
सक्छौ हत्या, हिंसाको मोचन गर
सक्तैनौ नहुने कुरा नगर
आन्तरिक कलहमा रोइरहेछ मेरो देश
भनी हाले आँफै तिमी बाचन गर।

अस्तु:

बिबेक दुलाल छेत्री "दमक"
दमक, झापा
हाल:यु ए ई, अबुधाबी।