Skip to content

सोधेर नि सपनीमा सुटुक्क कोही आउँछ र ?

  • by


सोधेर नि सपनीमा सुटुक्क कोही आउँछ र ?
मीठो पीडा प्रणयको अनायसै जगाउँछ र ?

घाउ कस्तो अनौठो मुटुभित्र आज पाएँ
अमृतको रस पनि पिएर कोही अघाउँछ र ?

हिँडे होलान् निकै जना सम्साँझ यही बाटो
परिचित झैँ कुनै, पदचापले झस्काउँछ र ?

कहाँ छौ,कस्ता छौ, कुनै खबर छैन तिम्रो
पलपलको सम्झनाले बाडुल्की लगाउँछ र ?

निकै नहुने कुनै प्रेम रोग पो लागेछ कि
ओखति छ कि कुनै, कोही आई बताउँछ र ?

Leave a Reply

Your email address will not be published. Required fields are marked *