गाउँतिरको बसाइ छोडी सहरतिर सर्छन् नेता
जनतालाई भोकै राखी आफ्नै पेट भर्छन् नेता
भोट खाईमन्त्री बन्छन् फर्किंदैनन् गाउँमा कोही
गाउँको बिकास गर्छौं भन्दै भ्रम मात्र छर्छन् नेता
सम्झिदैनन् भोट माग्दा गरेका बाचाहरू
केही कुरा भन्यो भने उल्टै आखा तर्छन् नेता
भाषण गर्छन् एक थरी काम गर्छन् अर्कै
सधैंभरि मन्चबाट झुट्टा कुरा गर्छन् नेता
बिदेशीको हस्तक्षेप बढिरहेछ दिनदिनै
राष्ट्रियताको अडानबाट सधै तल झर्छन् नेता
भारतको इशारामा चलाउछन् सत्ता सधैं
पदको निम्ति उसैको शरणमा पर्छन् नेता