सात समुन्द्र पारीपट्टी मेरो घर छोडी आएँ
गाउँ घरका सबैसंग तनको नाता तोडी आएँ

राम्रो लाउला, मिठो खाउला, सबैलाई पुर्याउला
भन्दै सबका सपनाहरु एकपल्ट गोडी आएँ

हिड्ने बेला सबैलाई नबिर्सने बाचा गर्दै
प्रियजनका आँसु छली आँखा अन्तै मोदी आएँ

रुखमै सुन फल्छ अरे, सुनकै चामल पाइन्छ रे
आशै आशले बुनिएको न्यानो सिरक ओडी आएँ

सात समुन्द्र पारीपट्टी मेरो घर छोडी आएँ
गाउँ घरका सबैसंग तनको नाता तोडी आएँ