म सत्ययुगको मान्छे
त्रेतायुगको बिरुद्ध त बोल्ने मान्छे
म थोरै बोल्छु
धेरै पनि बोल्दिन
थोरै बोलेर त मेरो कुरा कसैले सुन्दैनन्
भने
धेरै सत्य किन उडाउन दिऊँ
धेरै व्यक्ति झूठ बढी बोल्छन्
सत्य मीठो मान्दैनन्
त्यसैले
तीतो सत्य भन्छन्
तर
म
बढी बोल्दा पनि सत्यनै बोल्छु
सत्य थोरै बोल्दा त मलाई पागल भन्छन्
धेरै सत्य बोले योभन्दा धेरै यातना दिन्छन्
त्यसैले म निचोड बोल्छु
सत्यले प्रहार गर्छु
सचेत गराउँदछु
सत्य भन्छु
सत्य बोल्दा सधैं ताजगीको महसूस गर्दछु
सत्यलाईनै न्याय मान्छु
डरलाग्छ त बस् असत्यदेखि
तसर्थ
मेरो प्राण सत्यको खोजीमा हरदम लागिरहन्छु
दुनीयाँको आन्दोलनहरूमा सत्य बिष्फोट भएको देख्छु
म खुशीले गद्ग-गद् हुन्छु
फेरि असत्यको सरकार बन्छ
म फेरि एक्लो हुन्छु
म फेरि एक्लो हुन्छु

बिजु सुवेदी “विजय”
कुलेश्वर, काठमाण्डौं
[email protected]