मनकी रानी बनी बस्यौ बिगतका पानाभरी
तृष्णा बनी मडारिन्छ्यौ बर्तमानमा आजपनि ।
हेराइमा जादू तिम्रो नशा बस्यो किन होला ?
शायद आफ्नो युगभरि सम्झी सधैं रुन होला ।
धेरै थरी बसन्तमा तिम्रै नाम लेखिदिँए
अनगिन्ती भावनामा तिम्रै प्रीत पोखिदिँए ।
सम्झनाका पानाभरि तिम्रै गीत गुन्गुनाउँथे
कल्पनामा तिम्रै रुप मन भित्र सजाउँथे ।
बिगतका कथाहरू सम्झनामा रुमलिए
गुलावका इच्छाहरू काँडाबीच अल्झिदिए ।
अतितका पानाहरू पल्टाइ हेर्दै खोजीदिएँ
इतिहासको कन्दरामा तिमीलाई नै खोजिदिएँ ।
नारायणप्रसाद भण्डारी
darsan
Sir ramro chha…………