तर्की तर्की जैले देखि उनले छोडिन् मलाई चिन्न
कसम खाइ मैले छाडेँ उनको घरको बाटो हिन्न
सागरसरी मेरो माया कुवा भन्दा तुच्छ तिम्लाई
धनैलाई प्रिती ठान्यौ थाल अब माया किन्न
माया भन्नु झेल रैछ हाटबजारी खेल रैछ
बाचा गरेँ कसैलाई नी अब मन मुटु दिन्न
माना माया पैँचो लिदा मुरी गनी तिर्नुपर्ने
बरु माया बिनै मर्छु रत्ती माया कोइ को लिन्न
एक्लै जन्मे एक्लै मर्छु बैतरणी एक्लै तर्छु
एक्लोसरो जीवन जिउछु अरु भन्दा केही भिन्न