Skip to content

तताउदै जवानी


कसैले इसारा गरेझैँ भएथ्यो
कि यो दिल उनैमा मरेझैँ भएथ्यो

रहरमा म हाँसे अधर त्यो गुलाबी
नजरमा उज्यालो छरेझैँ भएथ्यो

तताउदै जवानी रमाउदै खुसीले
दगुर्दै नदी त्यो तरेझैँ भएथ्यो

भिजेरै किनारमा डुबेरै नशामा
दुबैमा गरम बाफ सरेझैँ भएथ्यो

म बढ्दा तिमीले बहार जो फिजाउदा
छछल्केर माया झरेझैँ भएथ्यो
———————————————————-

बहर : मुतकारिब मुसम्मन् सालिम पिङ्गल छन्द
सूत्र : फऊलुन् X 4
ISS ISS ISS ISS

इन्जिनियर राकेश कार्की
लस् एन्जेलस्

Leave a Reply

Your email address will not be published. Required fields are marked *