नदीसित बग्न सिक
चरासित बोली
हिमालसित बढ्न सिक
ठूलो हुन्छौ भोलि

हौदा चढ्यो घोडामाथि
    हौदामाथि हात्ती
चञ्चलेको राजालाई
    यस्तो भयो पात्ती ।

दुइटा ओडार काला काला
    त्यसमा दुइटा तारा
माथि झाँग छ तल झाडी
    त्यो हो के त प्यारा ?

गर्नु छ कल्याण मानव हितमा ।
छैन मरी लानु केही जीवनमा ।
आशा र बिश्वास भर्नु छ हर मनमा ।

नबन उदास, नखाऊ हरेश ।
जीवनको कुनै पनि मोडमा ।

म सानी छोरी रूपकी गोरी
हजुरआमाको रसिला लोरी

कुनै महिना धेरथोर हुन्छन् कुनै तीस दिनका
एक वर्षमा बाह्रमहिना तीन सय पैसाठ्ठी दिनका

नेपालका सारा
राम्रा पाखा पखेरा
हिउँ फुल्ने हिमाल
बेँसी राम्रो सिमल ।

फिरिरी फिरिरी छिचिमिरा उडे
हूल-हूल भएर आपसमा भिडे

आँगनमा फुलेका छन् रङ्गीचङ्गी फूल
आहा ! साथी कति राम्रो हाम्रो सानो स्कुल ।

फूलको शोभा फूलबारीमा,
विद्यार्थीको पाठशालामा ।
ज्ञानको दिव्य ज्योति छर्ने,
विद्यार्थी नै संसारमा ।

सानी सानी मौरी रानी
फूलमाथि आइन्
नाच्न थालिन् भुँभुँ गर्दै
मिठो गीत गाइन्