एहि धरती पर एकेटा चान
भाइ सन नहि केउ आन

सभ्य, शुन्दर, चंचल, विवेकी
भावक गुणी, कर्मठ आ सेवी
छै राखी भाइ के बन्हबै हाथ
तरबै तिलकोर आ लगेबै पान

बाबा के पोती छियै हम मुनिया
हमरे ईशारा सँ चलै छै ई दुनियाँ

हमर पपनी उठे त उगे सुरुज
हमरा सँ सुन्दर नहि कुनो सुरैत
देखिए कऽ हमरा चान सेहो छुपल
हमरा सँ कोमल नहि कमल फूलल

छी हम मैथिल, हमर मिथिला
सब सँ पुरान, हमर पहिचान
विदेहक नगरी, धिया जानकी
तँए छै मिथिला, सब सँ महान

बथुवा, तिलकोर, कर्मीक साग
मुंगवा, वर–वरी, पान, मखान
माछ, दही शुभ सगुनक भार
तँए छै मिथिला, सब सँ महान

चारू दिश सूनसान अछि । गाडीयोसभक आवाज बन्द भऽ गेल अछि । राति नि:शब्द भ ऽ रहल अछि ।

लेखक लिखबामे मस्त अछि । बिजली नइँ अछि । पंखा घुमि नइँ रहल अछि । इन्भटरक इजाृतमे ओ शब्द चुबा रहल अछि । पसेनासँ ओ नहा गेल अछि । लिखबाक धुनमे पसेनो पोछबाक ओकरा फुर्सति नइँ अछि ।लिखिरहल कापिओ भिजिरहल अछि । ओहि कोठलीमे हवा पैसनाइ पर रोक अछि ।

नित भोर मैया जलक अर्घ सँ सुरुज के करे प्रणाम
सन्तान हमर हो प्रबल प्रतापी करे मिथिला मे नाम

मिथिला मैथिलिक खातिर बढे ओ सदिखन आँगा
सभ के बान्हे एक सूत्र मे बुने एहन प्रेमक धागा
अपन माटि पानी के बुझे सटाकऽ राखे छाती
ककरो अनिष्ट नहि सोँचे जरबैत रहे प्रेमक बाती

कलयुगके राम बेमार भऽ गेलै,
तें रावणक स्वप्न साकार भऽ गेलै

रामक राजमे सत्ता छै खखरी,
तें तऽ सिया धीया लाचार भऽ गेलै

केहेन उजाड जँका सुनसान देखैछी
मात्र पत्थरे छै कहाँ भगवान् देखैछी ?

नाम जपिक खाइबला भेलै बुद्धिमान्
भ्रष्ट पदलोलुप मात्रे महान् देखैछी ।
केहेन उजाड जँका सुनसान देखैछी
मात्र पत्थरे छै कहाँ भगवान् देखैछी ?

बेर बेर सवाल हमर याह रहैछै
सत्य बात किए लगैत बेजाह रहैछै

अपना टाग्ङ तर दाबल रहलो पर
कछेर प पुहुचेने किए नाह रहैछै

हृदय सँ आहाक यादो जना दूर भेलै
जिन्गी भैरके सपना चकना चुर भेरै

एक एक मुस्कान जेना कुछ बता रहल य
राज यी छाती के मधुर छाउर भेलै

जाइतक टुकरी नै ऊँच–नीच महान्
छी हम सब मैथिल मिथिला हमर शान

होइ छै एकेटा धरती एकेटा आकाश
पिवैत छी सबकिओ एकेटा बतास
चाहे ओ पंडित हो, पादरी आ खान

गाम–नगर में सोरसराबा सुनल गेल बड़ बेसी ।
लोकतन्त्र में अपन अधिकार लऽकऽ रहत मधेशी ।।
जनसंख्या सँ जनसागर में जोरल छलौं हम सीधा ।
खाकऽ हमहुं लाठी गोली पारकेलौं सबटा बाधा ।।

बटवृक्षक अंकुर बनि जनमल कतेको आशा ।
लतरल चतरल मधेस मे हेतै नै कतौ निराशा ।।
जाइत पाइत में नै ओझराकऽ चुनब असली नेता ।
विकास में लिखत नव ईतिहास मधेसक बेटा ।।

जे करथि घोटाला छथि अखन बोलबाला
चलत कोना ई दुनिया कह रे उपरबाला

गाम–नगर में बैइमान वनमे घुमै सैतान
मानब भऽ दानब वनि करै सज्जनक अपमान
आब सज्जनक बस्ती सब बनिगेल बधशाला

ईन्टरनेट, ईमेल कम्प्यूटर के दुनिया ।
च्याटीङ्ग पर भेटल हमर ललमुनिया ।।
नाम ओकर भाई जेहने छै अलका ।
तेहने ललितगर केश ओकर ललका ।।

च्याटीङ्गसँ शुरुभेल नीक प्रेम कहानी ।
वेभलेन्सक सामने लागे रुपक रानी ।।
हलका लिपिष्टिक गोल गोल मुखड़ा ।
लागे ओ जेना हँसैत चानक टुकड़ा ।।

ए ! शान्तिदूत परवा उड़िकऽ आ अप्पन देशमे
फैलऽवै तों शान्ति हिमाल, पहाड़ आ मधेशमे
एतऽकेँ सभ नर–नारी अछि शान्तिकेँ पूजारी
सहत कोना हिंशा पसरल अछि समस्या भारी

हिमालक अमृत जलमे मिलिगेल शोनितकेँ धारा
भेल अछि अखन शसंकित जनता नेपाली सारा
परवा छे तों सहासी पृय सभक मोनक विश्वासी
कर तोँ कोनो उपाय रहे नहि किओ बनवासी

बीसम बसन्त जाहि घर बीतल सेहो घर भेल आब आन
किया विधना फेरि(फेरि कऽ लिखे बेटीक भाग्य विधान

के आब भोरक भुरुकबामे उठि कऽ चुनत बागक फूल
एतबो नै कोना सोचलन्हि बाबा कोना पठाबथि दोसर कूल
के बाबा संग पूजालग बैसतै के देतै अरिपन दलान