मेरो देश रोएको बेला
भाइ भाइ लडेको बेला
यो र त्यो भन्दै भन्दै
आरोप प्रत्यारोप लगाएको बेला
म तिमीलाई सम्झन्छु आमा ।

आफू को हुँ भनेर
आफैलाई बिर्सनेहरू देख्दा
आफ्नै स्वार्थ सदा पुरा गर्नेहरू देख्दा
ललाईफकाई गरी पाउनुभन्दा अघि
पाइसकेपछि सबै बेवास्था गरेको देख्दा
म तिमीलाई सम्झन्छु आमा ।

तिम्ले गर्दा मैले, रुनु पर्‍यो नभन्नु है ।
आशुले त्यो रुमाल,धुनु पर्‍यो नभन्नु है ।

के के हुन्छ हुन्छ,भाग्यकै खेल लाग्छ
छुट्टीएर पराईको,हुनु पर्‍यो नभन्नु है ।

यो तातो मरुभूमिमा, घाटी धेरै सुख्छ आमा
सम्झिएर साहुको ॠण, मुटु धेरै दुख्छ आमा

कमाएर दुई चार पैसा, परिवार खुशी पार्न
कल्पिएर तिनै दिन, पीडाहरू लुक्छ आमा

यो मेरो मस्तिष्क
लागिरहेछ मलाई कि
यो मेरो हैन
यहाँ खेलिरहेछ्न्
ती हरेक व्यक्ति
जो आफ्ना छ्न्
अनि ती पनि
जो परिचित छ्न्

खुशी हुनेहरू हुँदै गर्छन्
मजाक बनाउनेहरू बनाउँदै गर्छन्
हो गल्ती त भयो
बुझ्नेहरुले बुजिहाल्छ्न
नबुझ्नेले कुरा काट्छ्न्
यो मन मनाउन खोजे
धेरै पटक बुझाउन खोजे

मैले जस्तै तिमीले पनि, रोएर त हेर
पानी सरि आसुले मुहार, धोएर त हेर

के थाहा तिमीलाई, दु:ख के हो पीडा के हो
मनलाई कहिलेकाहीं मनले, छोएर त हेर

हो म तिमीमै, सारा संसार देख्छु
त्यो मिठो आभास, प्यार देख्छु

हुनेछौ सधैं खुशी, रमाउने छौ धेरै
पाउने तिमी भित्रै, आधार देख्छु

आफ्नो पेट भोकै राखी, मेरो पेट भरिदिने
बाचुन्जेल निस्वार्थ, चोखो माया गरिदिने

गर्मीमा शीतल दिने, चिसोमा घाम
सुन्दा नै पवित्र, मेरी आमाको नाम

म तिमीबाट जब टाढा हुन्छु
आफूलाई एक्लो नसम्झनु
म तिम्रै वरिपरि घुमिरहन्छु
म तिम्रै साथमा रहिरहन्छु
जब रात पर्छ अनि
त्यो आकाशमा हेर्नु
म चम्किरहेको तारा हुनेछु

जान्दिन साहित्य तै पनि, लेख्न मन लाग्छ ।
मिठा मिठा सपनाहरू, देख्न मन लाग्छ ।

केर्दै मेट्दै बल्ल तल्ल, मिलाउछु छेउटुप्पा
जानी-नजानी मनको बह, पोख्न मन लाग्छ ।

मलाई स्वतन्त्र नारी हुनुछ
मलाई रोक्न नखोज
अनन्त यी बाटोहरूमा
कतै छेक्न नखोज
म आफैंमा हाँस्छु
म आफैंमा रुन्छु ।

हारजीतको कथा, यही नै जिन्दगानी
हाँस्ने रुनेको ब्यथा, यही नै जिन्दगानी

जिएको छ उस्ले, जस्ले सबै भोग्यो
नभोग्नेलाई के थाहा? यही नै हो जिन्दगानी

आशाका किरणहरू,जुर्मुराउदै आउछ
जब बिहानिको,घाम उदाउँछ ।

अनि म खोज्छु,हराएका यादहरू
खोतल्दै हिजो,सबैथोक बताउँछ ।

ढकमक्क सयपत्री, मखमली फुली
लहलह खेतभरी, धानका बाला झुली
मन भित्रका घाउहरूमा, मल्हम लगाउदै
आयो दशैं सबैको मुहारमा, खुसीहरू ल्याउदै ।

भो तिम्रो मायालाई, धान्न सक्दिन म
के छ तिम्रो मनमा, जान्न सक्दिन म

मौसम जस्तै जिन्दगी, भर छैन केही
गर्छु भन्छौ प्रेम तर, मान्न सक्दिन म