हे आमा नेपाल तिमीलाई संसारकै राम्री बनाउँला
एक कोटी जन मिलेर सुसार गर्दै जाउँला

मेची बहुमुखी क्याम्पसकाे स्वर्णवर्ष कार्यक्रमका लागि तयार गरिएकाे गीत
लेखन : होम सुवेदी
संगीत : रोसन बस्नेत
गायन : सुषमा बाँस्तोला, तायमा राई, अर्जुन सुनुवार,
दीपा न्यौपाने, निशान्त केसी, गगन भट्टराई
पचासौं वर्ष पूरा भो ज्ञानको ज्योति बाल्दैछ
उहिल्यैदेखि मेचीले अज्ञानको अँध्यारो फाल्दैछ
मेचीका छालमा सिर्जना नौलो ल्याएर
यहाँका मुटू मुटूमा शिक्षाको ज्योति बाल्दै छ,
ज्ञानको ज्योति बाल्दैछ
आहा यही हो मेची क्याम्पस, लालाला यो हाम्रो मेची क्याम्पस ।
उकाली र ओराली के भो र शिक्षाको लामो बाटोमा
सिर्जना रोपे उम्रन्छ मलिलो हाम्रो माटोमा... मलिलो हाम्रो माटोमा

भनिदेऊ नेपाली दाइ मेरो देश कहाँ पर्‍यो
मलाई पनि नेपाली गीत गाउन मन लाग्यो

सयथरी बाजा एउटै ताल
सयथरी गोडा एउटै चाल
मेची काली सिङ्गै ढिक्को
साझा हाम्रो ज्यान नेपाल

अरुको भरमा पर्नु हुदैन आफ्नै भरमा जिउनु
दर्बिलो खुट्टा टेकी सबले गर्विलो आँखा पार्नु

नौलाख तारा उदाए, धर्तीको आकाश हाँसेछ
शरद लाग्यो डाँडामा फूलले प्रीति गाँसेछ
नजली यहाँ झिलिली मनको तारा निभेछ
गुराँस फुल्यो पहाडमा, मनको तारा निभेछ

करोड मुटुहरूको एउटै ढुकढुकी नेपाल
न तिमी हुन्थ्यौ न म नै हुन्थे नभए नेपाल

वीर नेपालीहरूको शिर हो सगरमाथा
चार भञ्ज्याङ् हाम्रै हो गाउँछौँ देशको गाथा ।

भावीले नेपाली भै जीउने मौका दिएको छ
दुनियाँले देखोस निधारमा नेपाल लेखेको छ,
देशकोलागि मर्छौ झुकाउन्नौ माथा
चार भञ्ज्याङ् हाम्रै हो गाउँछौँ देशको गाथा ।

घरमा रुन्छिन् ती बुढी आमा फर्केर आउ है
नेपाल छोडी विरानो देशमा नेपाली नजाउ है ।

सांचेर व्यथा ह्दयभरि ती बुढी बस्दछिन
आंखामा आंशु लिएर ढल्पल मुलबाटो हेर्दछिन्
आमाको आंशु पुछ्ने नै भए फर्केर आउ है
नेपाल छोडी विरानो देशमा नेपाली नजाउ है ।

टुहुरा तिम्रा भाइवैनी छन् मसान जस्तो घर
मर्छ की दाजु लडाइमा भनी लाग्दो हो कति डर
बाबाले पनि छोडेर गए सम्झेर आउ है
नेपाल छोडी विरानो देशमा नेपाली नजाउ है ।

साहुले लुट्यो खेतबारी सबै केही छैन साहारा
कल्पन्छ कठै आमाको मन त्यो छोरो कहां छ

नेपाली हामी रहौंला कहाँ नेपालै नरहे
उचाई हाम्रो चुलिन्छ कहाँ हिमालै नरहे

हो धेरै छ गर्नु स्वदेशको सेवा, नेपाली बन्नलाई
शिर ठाडो पारी नेपाली भन्ने, म नै हुँ भन्नलाई

जहाँ बसे पनि हामी नेपालका सन्तति
जननी जन्मभूमिश्च स्वर्गादपि गरीयसी।

तराई फैलिरहोस् सदा पहाडको काखमा
सगर छुने हिमाल हाम्रो एउटै छ लाखमा।
माटोको सुगन्ध मीठो फूलकै सुवास सरि
जननी जन्मभूमिश्च स्वर्गादपि गरीयसी।

गीत
खोजेर अन्त कहाँ पाईन्छ?
क्रान्तिले मात्र बन्दैन देश, देश बन्न शान्ति चाहिन्छ।
बुद्धको देश हो यो नेपाल, खोजेर अन्त कहाँ पाईन्छ?
द्वन्दको घाउ ताजै छ यहाँ, बिछोडिएका मनहरुमा।
आलै छ पीडा अङ्गभङ्ग भै ,बाँचिरहेका जनहरुमा।
हिंसाले मात्रै हुँदैन क्रान्ति ,क्रन्तिका निम्ति त्याग चाहिन्छ।
बुद्धको देश हो यो नेपाल, खोजेर अन्त कहाँ पाईन्छ?
बन्द हड्ताल तोडफोड मात्रै, लक्षमा पुग्ने आधार हैन ।
वार्ता र छलफल बाहेक अर्को, यो दुनियाँमा माध्यम छैन।
सिकेर पाठ इतिहासबाट ,अगाडि बढ्न हिम्मत चाहिन्छ।
बुद्धको देश हो यो नेपाल, खोजेर अन्त कहाँ पाईन्छ?
आओस चाँडै संविधान देशमा ,भावना सवको समेटेर त्यसमा।

'मेरो देश हो नेपाल'

मेरो देश हो नेपाल
म हुँ नेपाली
झापामा बसेर
भैयो झापाली

नशानशा भित्र बग्छ रगत सधैँ रातो
मेरा प्रत्येक् धुक्धुकीमा नेपालकै तातो
मलाई मेरै नेपालको प्यारो लाग्छ माटो
सबै मिली बनाउनुछ हामी हिड्ने बाटो

मेरो देश हो नेपाल
म हुँ नेपाली
झापामा बसेर
भैयो झापाली

हिमाल पहाड तराई मधेश जहाँ बसे पनि
मेची काली सोलु जुम्ला जहाँ रहे पनि
नेपालकै भूभाग हो समान गरौँ माया
सन्सारकै छानो हाम्रो दिउँ शितल छाया

मेरो देश हो नेपाल
म हुँ नेपाली
झापामा बसेर
भैयो झापाली

देशको लागि नबग्ने रगत होइन त्यो पानी हो
जन्मेको माटो नभिझ्ने पसिना होइन त्यो पानी हो