Skip to content


कसैद्वारा चुनिनुको मजा बेग्लै हुन्छ
फूल बनी उनिनुको मजा बेग्लै हुन्छ ।

सिङ्गै संसार जितेजस्तो ऐँठनमा परेजस्तो
कलाभित्रै थुनिनुको मजा बेग्लै हुन्छ ।

कहाँ हुन्छ मायाको धुन भन्दै खोज्दै जाँदा
ढुकढुकीमै सुनिनुको मजा बेग्लै हुन्छ ।

सपनाको इन्द्रेणीझैँ यौवनको रहरमा
जालसँगै बुनिनुको मजा बेग्लै हुन्छ ।

दुखै साझा भए के भो बराबरी बाँडेपछि
भागसँगै गुनिनुको मजा बेग्लै हुन्छ ।

1 thought on “मजा बेग्लै हुन्छ”

Leave a Reply

Your email address will not be published. Required fields are marked *