रगतले पोतिएको चिठ्ठी पाउँदा रोयौ होला
सानैदेखिको प्रेमीलाई गुमाउँदा रोयौ होला ।
मुटु झनै दुख्यो होला अतीतको यादले
परेवाका प्रेमजोडीसँगै उड्दा रोयौ होला ।
यो जुनीमा यस्तै भयो पर्खी अब बसँला
गरिएका यी वाचा कसम सम्झदा रोयौ होला ।
अन्तिमपल्ट मैले तिम्लाई आफैभित्र भेटें
मनको माया सामुन्ने नदेख्दा रोयौ होला ।
भेटिंदाको क्षणहरु रमाइला हुन्थे सधैं
सारङ्गीले वियोग गीत गाउँदा रायौ होला ।
– भोजपुर
युवामञ्च २०६८ माघ