बिस्तारै बिस्तारै मेरो देश रोगी भएको सपना देखें ।
ठुला ठुला होटल धाउँछन नेताहरु भोगी भएको सपना देखें ।
आफैं भित्र द्धन्द्व ल्याई देशको सम्पति रित्याई रित्याई
सुने संविधान बनाउदै छौंरे जनता जोगी भएको सपना देखें ।
वर्षौ देखि शान्ति र संविधान अनि संघीयताको कुरा गथ्यौं
मन रोयो अनयासै जब आमा योगी भएको सपना देखें ।
नयाँ नेपालको आश गरी विच्छेत पारेका थियौं राजतन्त्र
शहिदका त्याग बलिदान सोझैं ठगी भएको सपना देखें ।
बुद्धको शान्ति भूमि नेपाल विरताको अनगिन्ती गाथा
स्वच्छन्द सुन्दर स्वर्गभूमि देश अभागी भएको सपना देखें ।
दर्पण