सपना हजार देखाएर उता नाता जोड्यौ किन
मुटु लगी आखिर घाईते बनाएर छोड्यौ किन ।

तिम्रो बाटो पर्खिएर जिन्दगी नै काट्छु भनी
वारी आउँदा बेँसीबाटै, बाटो अन्तै मोड्यौ किन ।

एउटै मुटु पनि आज तिमीसँगै पठाएछु
सोच सानु पीडा मैले के गरेर खटाएछु ।

छट्पटीमा रात बित्छ बिछोडको दिनदेखि
सास बिना यादले मात्र आजसम्म कटाएछु ।

लाजको तिम्रो गहनालाई किन राख्छ्यौँ लुकाएर
कति चढ्यो बैँश अब हेर्छु चोली फुकाएर ।

भरिएको यौवनमा बैँश आज चढ्दा खेरी
यो उमेरमा लाग्ने प्यास, बस्छ्यौ कति सुकाएर ।

भ्रष्ट्र नेता चर्को मूल्य भाँच्छन् यिन्ले ढाड अब
गरीबीको बास, कपास खोस्ने भए माड अब ।

हाम्रौ नेता चोर डाँका बुझ्या छैनन् नेपालीले
पार्टी भन्दै यिन्का झन्डा समाउन छाड अब ।

तिम्ले मैले पुज्ने देउता फरक जस्तो गर्छौ किन
सानो जातले छोयो भन्दै सुनपानI छर्छौ किन ।

दिन मिल्ने भए माग्थे ठुलो जात प्रभूसँग
मेरै भाग्य कमजोर रैछ मलाई आँखा तर्छौ किन ।

भाग्यमानी रैछौ सानु ठुलै घरमा परिछौ रे
सँगै ज्युँछु मर्छु भन्थ्यौ आज बिहे गरिछौ रे ।

झुप्रो प्यारो तिम्रो घरको चुहिने छानो भए पनि
भनने हिजो तिमी नै हौ महलमा सरिछौ रे ।

बिछ्यौनामा परिछौ रे भेट्न आउँछु आमा
भ्रष्ट्राचारी ज्यानमारालाई रेट्न आउँछु आमा ।

लुछाचुडी गर्दै नेता तिम्रो ईज्जत लुट्दै छन् रे
तिम्लाई लाको कालो दाग मेट्न आउँछु आमा ।

आजभोलि हल्ला सुन्छु जीवनसाथी खोज्दै छौ रे
मभन्दा नि अझै राम्रो अरुलाई नै रोज्दै छौ रे ।

मेरो मुटु तिमी भन्दै सर्बस्व नै सुम्पिदिँदा
उजाड पारी संसार मेरै अझै के के सोच्दै छौ रे ।

आजभोलि आफ्नै जिउको ब्यपार तिमी गर्दै छौ रे
महिनाभरको आय ब्याय हिसाब किताब भर्दै छौ रे ।

नत भाउँ गट्ला नै छ न त ब्यपार बन्द होला
दुई तीन ईन्चको सटर खोली पुरुषार्थ हर्दै छौ रे ।

पराईले सिउँदो भरी उस्को डोली चढ्दा तिमी
मलाई सम्झी के रुन्थ्यौ र ? सिँदुर आज भर्दा तिमी

मेरो आँसु तिम्रो लागि हजार खुशी मिल्छ भने
साँझ बिहान रुदै बस्छु बास आज सर्दा तिमी