मुक्तक

जब तिमी बोल्छौ त्यसको घाउ वाणभन्दा दर्दनाक लाग्छ
तिम्रो कपट नीति अन्न खाने कीराझैँ खतरनाक लाग्छ ।
कथनी र करणी बेग्लै तिम्रो छेपारे रङ देख्दा मलाई त
थुकेको थुक चाट्नु परेझैँ जीवनभरकै बढता सर्मनाक लाग्छ ।

१)
भाग्य रेखा केर्न मिले केरिदिन्थेँ आफै
देशको सीमा अँगालोमा बेरिदिन्थेँ आफै
जबरजस्ती लादिएका नियम कयौँ सम्बन्ध नि
फेर्न मिले निर्धक्क सब फेरिदिन्थे आफै ।

हिजो गनसँग वनमा थियौँ
सबै सबैका मनमा थियौँ
परिस्थिति फेरियो दरबारमा पसियो
यसैले लुटेर ल्याएका धनमा छौँ ।।

१)
अरुहरू टुप्पोमा पुगिसके, तिमी आकाश ताकी बस,
अरुले बगर पनि मिचिसके, तिमी नारा लाउँदै बस,
वीरको सन्तान भनेर कति नाक घोक्राउँछौ, तिमी
अरुले विजय पताका फहराइसके, तिमी लास गन्दै बस ।

कोही पद कहीं खानाका लागि सडकमा आए
दिन होस् या रात सडकभरि नारा जुलुस लाए
विश्वमा अचम्मको देश बन्यो हाम्रो नेपाल पनि
नेताको के कुरा सरकार नै उत्तरदायित्व गुमाए

आशीर्वाद
अन्न धनको फसल हुनु
ज्ञान गुनको पसल हुनु
अपार सम्भावनाकी खानी तिमी
ठूलो नभई असल हुनु

हे नुतन वर्ष

हे नूतन वर्ष नवीन उमंग लअबिहा
जीवलेल जीवके नव तरंग लअबिहा
जुरेबा तुहु जुरायल देखि धरती गगन
कलशमे सजाक प्रह्लाद प्रसंग लअबिहा

१)
मान्छेले पशुको रुप लिएपछि यस्तै हुन्छ
दसा लागेर स्याल शहर पसे जस्तै हुन्छ
राष्ट्रियता बोक्नेरु पार्टीबाट उदाउदा रछन्
उताका यता आई रोइ दिएको दुरुस्तै हुन्छ ।

एक)
तिम्रो काखलाई सिरानी बनाउने मन छ
मुटुमा सजाइ आफ्नी बनाउने मन छ
दुनियाको अगाडि हाम्रो जोडिलाइ
मलजल गरेर नामी बनाउने मन छ ।

चोखो मायामा नै छुरी चलाउन अँझै
ए तड्पाएर मलाई नै जलाउन अँझै
मैन सरी पग्लेर जल्ने छु जब म नि,
त्यसैमा तिमी दीपावली मनाउन अँझै

हो, ज्यादै असरदार हुन्छ यार विचारको असरजस्तो कि परालमा एकझिल्को ज्वारको असरबगरबाट बालुबा ल्याएर त्यो… Read More »हो, ज्यादै असरदार हुन्छ

एक
वकिल-न्यायालयले पनि निर्धैलाई पेल्छन्
बुख्याँचाहरू जनताका सपनासँग खेल्छन्
देशको कानून दैव जानून् उसै भन्या होइन
मान्छे मार्ने उन्मुक्त छन् गोरु मार्ने जेलछन्

सपनी नै देखेँ कि वा देखेँ बिपनी
आफूलाई कहाँ कम लाग्छु म पनि
जसो भन जसो भन सहेकै ता हो
तिमी नै हौ मरो मनको सदा जपनी ।।

१)
जसरी खाली र फोहोर जमिनमा झार उम्रिन्छ
उसै गरी दुषित दिमाखमा खराब विचार उम्रिन्छ
पैला चट्टानमा खियाऊ आफूलाई काममा लगाऊ
तिमी फलाम हौ, र तिमीमा आफै धार उम्रिन्छ

भोको पेट बन्द छ मुख आय गुमाएसी
पत्ता लाग्छ कोरोनाको काय गुमाएसी
सर्कार काँछ यता जन्ता रोगभोक, शोकले
कोठा भित्रै मर्न बाध्य उपाय गुमाएसी

१)
देशमा खुब हाजिरी जवाफ प्रतियोगिता चलेको छ
चेसमा प्युसा अगाडि बढाएर आफू पछि सरेको छ
संघ संस्था र नेता च्याउ उम्रे झै उमृएको छ देशमा
तपाई हैन मपाई पुरस्कृत आफैमा हात जोडेको छ ।

आऊ न बोकेर राम्रो सामाजिक विचारधारा
लगनशील भै लागे बोझ हुदैनन् अभिभारा
कसैको पछि लहलैमा लागे काम बन्दैन हेर !
सजाउनु छ रात पनि दिन जस्तै भूमि सारा ।।१।।

१.
एक दिन होइन देशमा लाग्छ सधैं गाईजात्रा छ
शान्ति, न्याय तर्सी भाग्छ सधैं गाईजात्रा छ ।।
छिमेकीलाई पर्दा साथ सहयोग गरेकै हो
औंला दिदा हातै माग्छ सधैं गाईजात्रा छ ।।