badri55511

कहिलेसम्म चल्छ अँझै फुटको राजनीति
हत्या हिंसा बलत्कार र लुटको राजनीति

मेलमिलाप सहकार्य त वास्तै छैन यहाँ
खिचातानीसँगै दलीय गुटको राजनीति

शान्तिसुरक्षा वहाली गर्ने आश्वासन दिदैं
आपसमा नै चल्ने कुटाकुटको राजनीति

जताततै गाँजाभाङ बनाउन थाले
लठ्ठिएर शिवरात्री मनाउन थाले

सधैँभरि जुठाभाँडा मल्नुपर्ने किन ?
कालोमोसो हामीलेनै दल्नुपर्ने किन ?

दिनरात घरधन्दा भन्दाभन्दै बित्छ
पुरुषको इशारामा चल्नुपर्ने किन ?

बच्चा पैदा गर्ने साधन होईन हामी
चाहे बेला बिस्तरामा ढल्नुपर्ने किन ?

जिन्दावाद र मूर्दावाद घन्काउँछौ कहिलेसम्म ?
लेख्छौं बिधान भोली भन्दै थन्काउँछौ कहिलेसम्म ?

देखाउँछौ दिवास्वप्न निमूखा ती जनतालाई
गरिबको मनमा आगो दन्काउँछौ कहिलेसम्म ?

ज्यानै दिए देशका निम्ति सारा सुख सयल त्यागी
शहिदका लासमा झिंगा भन्काउँछौ कहिलेसम्म ?

कठैबरा गरिबको तन जलाउने दशैँ
बल्झिएर पीडाहरू मन जलाउने दशैँ

हात मुख जोड्नलाई चारोपानी छैन यहाँ
गरिबको चुसिएको धन जलाउने दशैँ

नयाँ नाना खोइ त भन्दै रुन्छन् छोराछोरी
मुटु भित्र आगो दन्-दन् जलाउने दशैँ

जिन्दावाद र मूर्दाबाद घन्काउँछौ कहिलेसम्म
लेख्छौं बिधान भोली भन्दै थन्काउँछौ कहिलेसम्म

देखाउँछौ दिवास्वप्न निमूखा ती जनतालाई
गरिबको मनमा आगो दन्काउँछौ कहिलेसम्म

ज्यानै दिए देशका निम्ति सारा सुखसयल त्यागी
सहिदका लासमा झिंगा भन्काउँछौ कहिलेसम्म

टुक्रिएको मुटु मैले जोड्ने सुर गरेँ
तिमीतिरै मायाँ फेरि मोड्ने सुर गरेँ

अनायासै तिमी किन तर्की गयौँ सानु
तिम्रो लागि सारा खुसी छोड्ने सुर गरेँ

तिम्रो लागि रङ्ग्याएको रात बिर्स्यौ तिमीले
मझेरीमा दङ्ग्याएको बात बिर्स्यौ तिमीले

सधैँ साथ दिन्छु भन्थ्यौ आज भएँ पराइ
जवानीमा यौवनको मात बिर्स्यौ तिमीले

गरीबको मात्रै िकन गाँस लुिटन्छ यहाँ
भत्काएर घर िकन बास लुटिन्छ यहाँ

झुत्रोझाम्रो भए पनि ढाकेकै छन् लाज
नङ्ग्याई तीनलाई कपास लुटिन्छ यहाँ