प्रेम बानिया

सुस्तामा ‘घिड्घिडो’ बाँचेको राष्ट्रियता
कोसीमा बगेको देश-प्रेम
वा पशुपतिमा जितेका मूलभट्टहरू
र हारेको देश हेरेर हाँस्नै सक्दिनँ म
हाँस्नै दिँदैन देश ।

दन्दनी बलिरहेको छ आगो
फन्फनी घुमिरहेका छन् भाइहरू
एउटा डाडु लिएर ‘स्वघोषित भान्छे’ बनिरहेछ
अरू पनि छन्, पन्यू र दाबिले भान्छेहरू
कोही थाल, कचौरा र हात पसारिरहेका छन्
कोही कोपरा बोकेर मागिरहेका छन्
युग हापेर जितेको
उधारो एउटा शासन पाकिरहेको छ भान्छामा ।